Жаңа мемлекеттік қызмет

📢 АТА-АНАЛАР НАЗАРЫНА!

Мектепке дейінгі ұйымдарға балаларды кезекке қою тәртібі туралы

Құрметті ата-аналар!

Қазақстан Республикасында мектеп жасына дейінгі балаларды (6 жасқа дейін) мектепке дейінгі ұйымдарға жолдама алу үшін кезекке қою мемлекеттік қызметі электронды форматта жүзеге асырылады.

Аталған мемлекеттік қызмет ата-аналарға баланы балабақша кезегіне ыңғайлы әрі қолжетімді түрде тіркеуге мүмкіндік береді.

📌 Кезекке қалай қоюға болады?
Өтінішті келесі тәсілдер арқылы беруге болады:

• «Цифрлық үкімет» веб-порталы арқылы;

• цифрлық объектілер арқылы;

• мобильді телефон арқылы.

📌 Мемлекеттік қызмет көрсету мерзімі:

• Жалпы кезекке өтініш автоматты түрде өңделеді;

• Бірінші кезектегі және кезектен тыс орындарға өтініштер белгіленген тәртіппен қаралады;

• Санаториялық және арнайы кезекке өтініштер 1 жұмыс күні ішінде өңделеді.

📌 Кімдер бірінші кезектегі орын алу құқығына ие?

• Педагогтер мен медицина қызметкерлерінің балалары;

• Мүгедектігі бар ата-аналардың балалары;

• Жетім балалар және ата-анасының қамқорлығынсыз қалған балалар;

• Көпбалалы отбасылардан шыққан балалар;

• Мүгедектігі бар баласы бар отбасылардың балалары;

• Мүмкіндігі шектеулі балалар.

📌 Қажетті құжаттар:

• Белгіленген үлгідегі өтініш;

• Жеңілдік санатын растайтын тиісті анықтамалар (қажет болған жағдайда);

• Психологиялық-медициналық-педагогикалық консультация қорытындысы (қажет болған жағдайда).

Мемлекеттік қызмет тегін көрсетіледі.

Қосымша ақпарат алу үшін 1414 бірыңғай байланыс орталығына хабарласуға болады.

Құрметті ата-аналар! Балаларыңызды мектепке дейінгі ұйым кезегіне қою кезінде мәліметтердің дұрыстығына назар аударуларыңызды сұраймыз.